| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૧૦. સઞ્ઞાલક્ખણપઞ્હો
10. Saññālakkhaṇapañho
૧૦. ‘‘ભન્તે નાગસેન, કિંલક્ખણા સઞ્ઞા’’તિ? ‘‘સઞ્જાનનલક્ખણા, મહારાજ, સઞ્ઞા. કિં સઞ્જાનાતિ? નીલમ્પિ સઞ્જાનાતિ, પીતમ્પિ સઞ્જાનાતિ, લોહિતમ્પિ સઞ્જાનાતિ, ઓદાતમ્પિ સઞ્જાનાતિ, મઞ્જિટ્ઠમ્પિ 1 સઞ્જાનાતિ. એવં ખો, મહારાજ, સઞ્જાનનલક્ખણા સઞ્ઞા’’તિ.
10. ‘‘Bhante nāgasena, kiṃlakkhaṇā saññā’’ti? ‘‘Sañjānanalakkhaṇā, mahārāja, saññā. Kiṃ sañjānāti? Nīlampi sañjānāti, pītampi sañjānāti, lohitampi sañjānāti, odātampi sañjānāti, mañjiṭṭhampi 2 sañjānāti. Evaṃ kho, mahārāja, sañjānanalakkhaṇā saññā’’ti.
‘‘ઓપમ્મં કરોહી’’તિ. ‘‘યથા, મહારાજ, રઞ્ઞો ભણ્ડાગારિકો ભણ્ડાગારં પવિસિત્વા નીલપીતલોહિતોદાતમઞ્જિટ્ઠાનિ 3 રાજભોગાનિ રૂપાનિ પસ્સિત્વા સઞ્જાનાતિ. એવં ખો, મહારાજ, સઞ્જાનનલક્ખણા સઞ્ઞા’’તિ.
‘‘Opammaṃ karohī’’ti. ‘‘Yathā, mahārāja, rañño bhaṇḍāgāriko bhaṇḍāgāraṃ pavisitvā nīlapītalohitodātamañjiṭṭhāni 4 rājabhogāni rūpāni passitvā sañjānāti. Evaṃ kho, mahārāja, sañjānanalakkhaṇā saññā’’ti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
સઞ્ઞાલક્ખણપઞ્હો દસમો.
Saññālakkhaṇapañho dasamo.
Footnotes:
