| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૬. સેવનાસુત્તવણ્ણના
6. Sevanāsuttavaṇṇanā
૬. છટ્ઠે જીવિતપરિક્ખારાતિ જીવિતસમ્ભારા. સમુદાનેતબ્બાતિ સમાહરિતબ્બા. કસિરેન સમુદાગચ્છન્તીતિ દુક્ખેન ઉપ્પજ્જન્તિ. રત્તિભાગં વા દિવસભાગં વાતિ એત્થ રત્તિભાગે ઞત્વા રત્તિભાગેયેવ પક્કમિતબ્બં, રત્તિં ચણ્ડવાળાદિપરિપન્થે સતિ અરુણુગ્ગમનં આગમેતબ્બં. દિવસભાગે ઞત્વા દિવા પક્કમિતબ્બં, દિવા પરિપન્થે સતિ સૂરિયત્થઙ્ગમનં આગમેતબ્બં. સઙ્ખાપીતિ સામઞ્ઞત્થસ્સ ભાવનાપારિપૂરિઆગમનં જાનિત્વા. સો પુગ્ગલોતિ પદસ્સ પન ‘‘નાનુબન્ધિતબ્બો’’તિ ઇમિના સમ્બન્ધો. અનાપુચ્છાતિ ઇધ પન તં પુગ્ગલં અનાપુચ્છા પક્કમિતબ્બન્તિ અત્થો. અપિ પનુજ્જમાનેનાતિ અપિ નિક્કડ્ઢિયમાનેન. એવરૂપો હિ પુગ્ગલો સચેપિ દારુકલાપસતં વા ઉદકઘટસતં વા વાલિકાઘટસતં વા દણ્ડં આરોપેતિ, મા ઇધ વસીતિ નિક્કડ્ઢાપેતિ વા, તં ખમાપેત્વાપિ યાવજીવં સો અનુબન્ધિતબ્બોવ, ન વિજહિતબ્બો.
6. Chaṭṭhe jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti ettha rattibhāge ñatvā rattibhāgeyeva pakkamitabbaṃ, rattiṃ caṇḍavāḷādiparipanthe sati aruṇuggamanaṃ āgametabbaṃ. Divasabhāge ñatvā divā pakkamitabbaṃ, divā paripanthe sati sūriyatthaṅgamanaṃ āgametabbaṃ. Saṅkhāpīti sāmaññatthassa bhāvanāpāripūriāgamanaṃ jānitvā. So puggaloti padassa pana ‘‘nānubandhitabbo’’ti iminā sambandho. Anāpucchāti idha pana taṃ puggalaṃ anāpucchā pakkamitabbanti attho. Api panujjamānenāti api nikkaḍḍhiyamānena. Evarūpo hi puggalo sacepi dārukalāpasataṃ vā udakaghaṭasataṃ vā vālikāghaṭasataṃ vā daṇḍaṃ āropeti, mā idha vasīti nikkaḍḍhāpeti vā, taṃ khamāpetvāpi yāvajīvaṃ so anubandhitabbova, na vijahitabbo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૬. સેવનાસુત્તં • 6. Sevanāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬. સેવનાસુત્તવણ્ણના • 6. Sevanāsuttavaṇṇanā
