Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi

    ૨. સુલભસુત્તં

    2. Sulabhasuttaṃ

    ૧૦૧. વુત્તઞ્હેતં ભગવતા, વુત્તમરહતાતિ મે સુતં –

    101. Vuttañhetaṃ bhagavatā, vuttamarahatāti me sutaṃ –

    ‘‘ચત્તારિમાનિ, ભિક્ખવે, અપ્પાનિ ચેવ સુલભાનિ ચ, તાનિ ચ અનવજ્જાનિ. કતમાનિ ચત્તારિ? પંસુકૂલં, ભિક્ખવે, ચીવરાનં અપ્પઞ્ચ સુલભઞ્ચ, તઞ્ચ અનવજ્જં. પિણ્ડિયાલોપો , ભિક્ખવે, ભોજનાનં અપ્પઞ્ચ સુલભઞ્ચ, તઞ્ચ અનવજ્જં. રુક્ખમૂલં, ભિક્ખવે , સેનાસનાનં અપ્પઞ્ચ સુલભઞ્ચ, તઞ્ચ અનવજ્જં. પૂતિમુત્તં, ભિક્ખવે, ભેસજ્જાનં અપ્પઞ્ચ સુલભઞ્ચ તઞ્ચ અનવજ્જં. ઇમાનિ ખો, ભિક્ખવે, ચત્તારિ અપ્પાનિ ચેવ સુલભાનિ ચ, તાનિ ચ અનવજ્જાનિ. યતો ખો, ભિક્ખવે, ભિક્ખુ અપ્પેન ચ તુટ્ઠો હોતિ સુલભેન ચ (અનવજ્જેન ચ) 1, ઇમસ્સાહં અઞ્ઞતરં સામઞ્ઞઙ્ગન્તિ વદામી’’તિ. એતમત્થં ભગવા અવોચ. તત્થેતં ઇતિ વુચ્ચતિ –

    ‘‘Cattārimāni, bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo , bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ, bhikkhave , senāsanānaṃ appañca sulabhañca, tañca anavajjaṃ. Pūtimuttaṃ, bhikkhave, bhesajjānaṃ appañca sulabhañca tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjāni. Yato kho, bhikkhave, bhikkhu appena ca tuṭṭho hoti sulabhena ca (anavajjena ca) 2, imassāhaṃ aññataraṃ sāmaññaṅganti vadāmī’’ti. Etamatthaṃ bhagavā avoca. Tatthetaṃ iti vuccati –

    ‘‘અનવજ્જેન તુટ્ઠસ્સ, અપ્પેન સુલભેન ચ;

    ‘‘Anavajjena tuṭṭhassa, appena sulabhena ca;

    ન સેનાસનમારબ્ભ, ચીવરં પાનભોજનં;

    Na senāsanamārabbha, cīvaraṃ pānabhojanaṃ;

    વિઘાતો હોતિ ચિત્તસ્સ, દિસા નપ્પટિહઞ્ઞતિ.

    Vighāto hoti cittassa, disā nappaṭihaññati.

    ‘‘યે ચસ્સ 3 ધમ્મા અક્ખાતા, સામઞ્ઞસ્સાનુલોમિકા;

    ‘‘Ye cassa 4 dhammā akkhātā, sāmaññassānulomikā;

    અધિગ્ગહિતા તુટ્ઠસ્સ, અપ્પમત્તસ્સ ભિક્ખુનો’’તિ 5.

    Adhiggahitā tuṭṭhassa, appamattassa bhikkhuno’’ti 6.

    અયમ્પિ અત્થો વુત્તો ભગવતા, ઇતિ મે સુતન્તિ. દુતિયં.

    Ayampi attho vutto bhagavatā, iti me sutanti. Dutiyaṃ.




    Next: ૩. આસવક્ખયસુત્તં • 3. Āsavakkhayasuttaṃ




    Footnotes:
    1. (…) નત્થિ સી॰ પી॰ ક॰ પોત્થકેસુ ચ અઙ્ગુત્તરે ચ
    2. (…) natthi sī. pī. ka. potthakesu ca aṅguttare ca
    3. યેપસ્સ (સ્યા॰)
    4. yepassa (syā.)
    5. સિક્ખતોતિ (સી॰ ક॰)
    6. sikkhatoti (sī. ka.)



    Related texts:



    અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૨. સુલભસુત્તવણ્ણના • 2. Sulabhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact