Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૧૪. તુવટકસુત્તં
14. Tuvaṭakasuttaṃ
૯૨૧.
921.
‘‘પુચ્છામિ તં આદિચ્ચબન્ધુ 1, વિવેકં સન્તિપદઞ્ચ મહેસિ;
‘‘Pucchāmi taṃ ādiccabandhu 2, vivekaṃ santipadañca mahesi;
કથં દિસ્વા નિબ્બાતિ ભિક્ખુ, અનુપાદિયાનો લોકસ્મિં કિઞ્ચિ’’.
Kathaṃ disvā nibbāti bhikkhu, anupādiyāno lokasmiṃ kiñci’’.
૯૨૨.
922.
‘‘મૂલં પપઞ્ચસઙ્ખાય, (ઇતિ ભગવા)
‘‘Mūlaṃ papañcasaṅkhāya, (iti bhagavā)
યા કાચિ તણ્હા અજ્ઝત્તં,
Yā kāci taṇhā ajjhattaṃ,
૯૨૩.
923.
‘‘યં કિઞ્ચિ ધમ્મમભિજઞ્ઞા, અજ્ઝત્તં અથવાપિ બહિદ્ધા;
‘‘Yaṃ kiñci dhammamabhijaññā, ajjhattaṃ athavāpi bahiddhā;
ન તેન થામં 7 કુબ્બેથ, ન હિ સા નિબ્બુતિ સતં વુત્તા.
Na tena thāmaṃ 8 kubbetha, na hi sā nibbuti sataṃ vuttā.
૯૨૪.
924.
‘‘સેય્યો ન તેન મઞ્ઞેય્ય, નીચેય્યો અથવાપિ સરિક્ખો;
‘‘Seyyo na tena maññeyya, nīceyyo athavāpi sarikkho;
૯૨૫.
925.
‘‘અજ્ઝત્તમેવુપસમે , ન અઞ્ઞતો ભિક્ખુ સન્તિમેસેય્ય;
‘‘Ajjhattamevupasame , na aññato bhikkhu santimeseyya;
અજ્ઝત્તં ઉપસન્તસ્સ, નત્થિ અત્તા કુતો નિરત્તા વા.
Ajjhattaṃ upasantassa, natthi attā kuto nirattā vā.
૯૨૬.
926.
‘‘મજ્ઝે યથા સમુદ્દસ્સ, ઊમિ નો જાયતી ઠિતો હોતિ;
‘‘Majjhe yathā samuddassa, ūmi no jāyatī ṭhito hoti;
એવં ઠિતો અનેજસ્સ, ઉસ્સદં ભિક્ખુ ન કરેય્ય કુહિઞ્ચિ’’.
Evaṃ ṭhito anejassa, ussadaṃ bhikkhu na kareyya kuhiñci’’.
૯૨૭.
927.
‘‘અકિત્તયી વિવટચક્ખુ, સક્ખિધમ્મં પરિસ્સયવિનયં;
‘‘Akittayī vivaṭacakkhu, sakkhidhammaṃ parissayavinayaṃ;
પટિપદં વદેહિ ભદ્દન્તે, પાતિમોક્ખં અથવાપિ સમાધિં’’.
Paṭipadaṃ vadehi bhaddante, pātimokkhaṃ athavāpi samādhiṃ’’.
૯૨૮.
928.
‘‘ચક્ખૂહિ નેવ લોલસ્સ, ગામકથાય આવરયે સોતં;
‘‘Cakkhūhi neva lolassa, gāmakathāya āvaraye sotaṃ;
રસે ચ નાનુગિજ્ઝેય્ય, ન ચ મમાયેથ કિઞ્ચિ લોકસ્મિં.
Rase ca nānugijjheyya, na ca mamāyetha kiñci lokasmiṃ.
૯૨૯.
929.
‘‘ફસ્સેન યદા ફુટ્ઠસ્સ, પરિદેવં ભિક્ખુ ન કરેય્ય કુહિઞ્ચ્ઞ્ચ્ચિ;
‘‘Phassena yadā phuṭṭhassa, paridevaṃ bhikkhu na kareyya kuhiñcñcci;
ભવઞ્ચ નાભિજપ્પેય્ય, ભેરવેસુ ચ ન સમ્પવેધેય્ય.
Bhavañca nābhijappeyya, bheravesu ca na sampavedheyya.
૯૩૦.
930.
‘‘અન્નાનમથો પાનાનં, ખાદનીયાનં અથોપિ વત્થાનં;
‘‘Annānamatho pānānaṃ, khādanīyānaṃ athopi vatthānaṃ;
લદ્ધા ન સન્નિધિં કયિરા, ન ચ પરિત્તસે તાનિ અલભમાનો.
Laddhā na sannidhiṃ kayirā, na ca parittase tāni alabhamāno.
૯૩૧.
931.
‘‘ઝાયી ન પાદલોલસ્સ, વિરમે કુક્કુચ્ચા નપ્પમજ્જેય્ય;
‘‘Jhāyī na pādalolassa, virame kukkuccā nappamajjeyya;
અથાસનેસુ સયનેસુ, અપ્પસદ્દેસુ ભિક્ખુ વિહરેય્ય.
Athāsanesu sayanesu, appasaddesu bhikkhu vihareyya.
૯૩૨.
932.
‘‘નિદ્દં ન બહુલીકરેય્ય, જાગરિયં ભજેય્ય આતાપી;
‘‘Niddaṃ na bahulīkareyya, jāgariyaṃ bhajeyya ātāpī;
તન્દિં માયં હસ્સં ખિડ્ડં, મેથુનં વિપ્પજહે સવિભૂસં.
Tandiṃ māyaṃ hassaṃ khiḍḍaṃ, methunaṃ vippajahe savibhūsaṃ.
૯૩૩.
933.
‘‘આથબ્બણં સુપિનં લક્ખણં, નો વિદહે અથોપિ નક્ખત્તં;
‘‘Āthabbaṇaṃ supinaṃ lakkhaṇaṃ, no vidahe athopi nakkhattaṃ;
વિરુતઞ્ચ ગબ્ભકરણં, તિકિચ્છં મામકો ન સેવેય્ય.
Virutañca gabbhakaraṇaṃ, tikicchaṃ māmako na seveyya.
૯૩૪.
934.
‘‘નિન્દાય નપ્પવેધેય્ય, ન ઉણ્ણમેય્ય પસંસિતો ભિક્ખુ;
‘‘Nindāya nappavedheyya, na uṇṇameyya pasaṃsito bhikkhu;
લોભં સહ મચ્છરિયેન, કોધં પેસુણિયઞ્ચ પનુદેય્ય.
Lobhaṃ saha macchariyena, kodhaṃ pesuṇiyañca panudeyya.
૯૩૫.
935.
‘‘કયવિક્કયે ન તિટ્ઠેય્ય, ઉપવાદં ભિક્ખુ ન કરેય્ય કુહિઞ્ચિ;
‘‘Kayavikkaye na tiṭṭheyya, upavādaṃ bhikkhu na kareyya kuhiñci;
ગામે ચ નાભિસજ્જેય્ય, લાભકમ્યા જનં ન લપયેય્ય.
Gāme ca nābhisajjeyya, lābhakamyā janaṃ na lapayeyya.
૯૩૬.
936.
‘‘ન ચ કત્થિતા સિયા ભિક્ખુ, ન ચ વાચં પયુત્તં ભાસેય્ય;
‘‘Na ca katthitā siyā bhikkhu, na ca vācaṃ payuttaṃ bhāseyya;
પાગબ્ભિયં ન સિક્ખેય્ય, કથં વિગ્ગાહિકં ન કથયેય્ય.
Pāgabbhiyaṃ na sikkheyya, kathaṃ viggāhikaṃ na kathayeyya.
૯૩૭.
937.
‘‘મોસવજ્જે ન નીયેથ, સમ્પજાનો સઠાનિ ન કયિરા;
‘‘Mosavajje na nīyetha, sampajāno saṭhāni na kayirā;
અથ જીવિતેન પઞ્ઞાય, સીલબ્બતેન નાઞ્ઞમતિમઞ્ઞે.
Atha jīvitena paññāya, sīlabbatena nāññamatimaññe.
૯૩૮.
938.
‘‘સુત્વા રુસિતો બહું વાચં, સમણાનં વા પુથુજનાનં 11;
‘‘Sutvā rusito bahuṃ vācaṃ, samaṇānaṃ vā puthujanānaṃ 12;
ફરુસેન ને ન પટિવજ્જા, ન હિ સન્તો પટિસેનિકરોન્તિ.
Pharusena ne na paṭivajjā, na hi santo paṭisenikaronti.
૯૩૯.
939.
‘‘એતઞ્ચ ધમ્મમઞ્ઞાય, વિચિનં ભિક્ખુ સદા સતો સિક્ખે;
‘‘Etañca dhammamaññāya, vicinaṃ bhikkhu sadā sato sikkhe;
સન્તીતિ નિબ્બુતિં ઞત્વા, સાસને ગોતમસ્સ ન પમજ્જેય્ય.
Santīti nibbutiṃ ñatvā, sāsane gotamassa na pamajjeyya.
૯૪૦.
940.
‘‘અભિભૂ હિ સો અનભિભૂતો, સક્ખિધમ્મમનીતિહમદસ્સી;
‘‘Abhibhū hi so anabhibhūto, sakkhidhammamanītihamadassī;
તસ્મા હિ તસ્સ ભગવતો સાસને, અપ્પમત્તો સદા નમસ્સમનુસિક્ખે’’તિ.
Tasmā hi tassa bhagavato sāsane, appamatto sadā namassamanusikkhe’’ti.
તુવટકસુત્તં ચુદ્દસમં નિટ્ઠિતં.
Tuvaṭakasuttaṃ cuddasamaṃ niṭṭhitaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૧૪. તુવટકસુત્તવણ્ણના • 14. Tuvaṭakasuttavaṇṇanā