Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā)

    ૫. ઉદકૂપમાસુત્તવણ્ણના

    5. Udakūpamāsuttavaṇṇanā

    ૧૫. પઞ્ચમે ઉદકૂપમાતિ નિમુજ્જનાદિઆકારં ગહેત્વા ઉદકેન ઉપમિતા. સકિં નિમુગ્ગોતિ એકવારમેવ નિમુગ્ગો. એકન્તકાળકેહીતિ નિયતમિચ્છાદિટ્ઠિં સન્ધાય વુત્તં. ઉમ્મુજ્જતીતિ ઉટ્ઠહતિ. સાધૂતિ સોભના ભદ્દકા. હાયતિયેવાતિ ચઙ્કવારે આસિત્તઉદકં વિય પરિહાયતેવ . ઉમ્મુજ્જિત્વા વિપસ્સતિ વિલોકેતીતિ ઉટ્ઠહિત્વા ગન્તબ્બદિસં વિપસ્સતિ વિલોકેતિ. પતરતીતિ ગન્તબ્બદિસાભિમુખો તરતિ નામ. પટિગાધપ્પત્તો હોતીતિ ઉટ્ઠાય વિલોકેત્વા પતરિત્વા એકસ્મિં ઠાને પતિટ્ઠાપત્તો નામ હોતિ, તિટ્ઠતિ ન પુનાગચ્છતિ. તિણ્ણો પારઙ્ગતો થલે તિટ્ઠતીતિ સબ્બકિલેસોઘં તરિત્વા પરતીરં ગન્ત્વા નિબ્બાનથલે પતિટ્ઠિતો નામ હોતિ. ઇમસ્મિં સુત્તે વટ્ટવિવટ્ટં કથિતં.

    15. Pañcame udakūpamāti nimujjanādiākāraṃ gahetvā udakena upamitā. Sakiṃ nimuggoti ekavārameva nimuggo. Ekantakāḷakehīti niyatamicchādiṭṭhiṃ sandhāya vuttaṃ. Ummujjatīti uṭṭhahati. Sādhūti sobhanā bhaddakā. Hāyatiyevāti caṅkavāre āsittaudakaṃ viya parihāyateva . Ummujjitvā vipassati viloketīti uṭṭhahitvā gantabbadisaṃ vipassati viloketi. Pataratīti gantabbadisābhimukho tarati nāma. Paṭigādhappatto hotīti uṭṭhāya viloketvā pataritvā ekasmiṃ ṭhāne patiṭṭhāpatto nāma hoti, tiṭṭhati na punāgacchati. Tiṇṇopāraṅgato thale tiṭṭhatīti sabbakilesoghaṃ taritvā paratīraṃ gantvā nibbānathale patiṭṭhito nāma hoti. Imasmiṃ sutte vaṭṭavivaṭṭaṃ kathitaṃ.







    Related texts:



    તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૫. ઉદકૂપમાસુત્તં • 5. Udakūpamāsuttaṃ

    ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫. ઉદકૂપમાસુત્તવણ્ણના • 5. Udakūpamāsuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact