| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૬. વજ્જપ્પટિચ્છાદિકાસિક્ખાપદવણ્ણના
6. Vajjappaṭicchādikāsikkhāpadavaṇṇanā
પારાજિકં ધમ્મં અજ્ઝાપન્નન્તિ ભિક્ખૂહિ સાધારણાનં ચતુન્નં, અસાધારણાનં ચતુન્નઞ્ચાતિ અટ્ઠન્નમઞ્ઞતરં અજ્ઝાપન્નં. ઇદઞ્ચ પારાજિકં (પાચિ॰ અટ્ઠ॰ ૬૬૬) પચ્છા પઞ્ઞત્તં, સઙ્ગીતિકારકાચરિયેહિ પન પુરિમેન સદ્ધિં યુગળં કત્વા ઇમસ્મિં ઓકાસે ઠપિતન્તિ વેદિતબ્બં. ‘‘અટ્ઠન્નં પારાજિકાનં અઞ્ઞતર’’ન્તિ (પાચિ॰ ૬૬૬) વચનતો પન વજ્જપ્પટિચ્છાદિકં યા પટિચ્છાદેતિ, સાપિ વજ્જપ્પટિચ્છાદિકા એવાતિ દટ્ઠબ્બં. કિઞ્ચાપિ વજ્જપ્પટિચ્છાદનં પેમવસેન હોતિ, તથાપિ સિક્ખાપદવીતિક્કમચિત્તં દોમનસ્સમેવ હોતીતિ કત્વા દુક્ખવેદનં હોતીતિ ‘‘તત્ર હિ પાચિત્તિયં…પે॰… સેસં તાદિસમેવા’’તિ વુત્તં.
Pārājikaṃ dhammaṃ ajjhāpannanti bhikkhūhi sādhāraṇānaṃ catunnaṃ, asādhāraṇānaṃ catunnañcāti aṭṭhannamaññataraṃ ajjhāpannaṃ. Idañca pārājikaṃ (pāci. aṭṭha. 666) pacchā paññattaṃ, saṅgītikārakācariyehi pana purimena saddhiṃ yugaḷaṃ katvā imasmiṃ okāse ṭhapitanti veditabbaṃ. ‘‘Aṭṭhannaṃ pārājikānaṃ aññatara’’nti (pāci. 666) vacanato pana vajjappaṭicchādikaṃ yā paṭicchādeti, sāpi vajjappaṭicchādikā evāti daṭṭhabbaṃ. Kiñcāpi vajjappaṭicchādanaṃ pemavasena hoti, tathāpi sikkhāpadavītikkamacittaṃ domanassameva hotīti katvā dukkhavedanaṃ hotīti ‘‘tatra hi pācittiyaṃ…pe… sesaṃ tādisamevā’’ti vuttaṃ.
વજ્જપ્પટિચ્છાદિકાસિક્ખાપદવણ્ણના નિટ્ઠિતા.
Vajjappaṭicchādikāsikkhāpadavaṇṇanā niṭṭhitā.
