| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૯. વરાહઙ્ગપઞ્હો
9. Varāhaṅgapañho
૯. ‘‘ભન્તે નાગસેન, ‘વરાહસ્સ દ્વે અઙ્ગાનિ ગહેતબ્બાની’તિ યં વદેસિ, કતમાનિ તાનિ દ્વે અઙ્ગાનિ ગહેતબ્બાની’’તિ? ‘‘યથા, મહારાજ, વરાહો સન્તત્તકઠિતે 1 ગિમ્હસમયે સમ્પત્તે ઉદકં ઉપગચ્છતિ, એવમેવ ખો, મહારાજ, યોગિના યોગાવચરેન દોસેન ચિત્તે આલુળિતખલિતવિબ્ભન્તસન્તત્તે સીતલામતપણીતમેત્તાભાવનં ઉપગન્તબ્બં. ઇદં, મહારાજ, વરાહસ્સ પઠમં અઙ્ગં ગહેતબ્બં.
9. ‘‘Bhante nāgasena, ‘varāhassa dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, varāho santattakaṭhite 2 gimhasamaye sampatte udakaṃ upagacchati, evameva kho, mahārāja, yoginā yogāvacarena dosena citte āluḷitakhalitavibbhantasantatte sītalāmatapaṇītamettābhāvanaṃ upagantabbaṃ. Idaṃ, mahārāja, varāhassa paṭhamaṃ aṅgaṃ gahetabbaṃ.
‘‘પુન ચપરં, મહારાજ, વરાહો ચિક્ખલ્લમુદકમુપગન્ત્વા નાસિકાય પથવિં ખણિત્વા દોણિં કત્વા દોણિકાય સયતિ, એવમેવ ખો, મહારાજ, યોગિના યોગાવચરેન માનસે કાયં નિક્ખિપિત્વા આરમ્મણન્તરગતેન સયિતબ્બં. ઇદં, મહારાજ, વરાહસ્સ દુતિયં અઙ્ગં ગહેતબ્બં. ભાસિતમ્પેતં, મહારાજ, થેરેન પિણ્ડોલભારદ્વાજેન –
‘‘Puna caparaṃ, mahārāja, varāho cikkhallamudakamupagantvā nāsikāya pathaviṃ khaṇitvā doṇiṃ katvā doṇikāya sayati, evameva kho, mahārāja, yoginā yogāvacarena mānase kāyaṃ nikkhipitvā ārammaṇantaragatena sayitabbaṃ. Idaṃ, mahārāja, varāhassa dutiyaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
એકાકિયો અદુતિયો, સેતિ આરમ્મણન્તરે’’’તિ.
Ekākiyo adutiyo, seti ārammaṇantare’’’ti.
વરાહઙ્ગપઞ્હો નવમો.
Varāhaṅgapañho navamo.
Footnotes:
