| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૯૧. વિજ્જાધરજાતકં (૬-૨-૬)
391. Vijjādharajātakaṃ (6-2-6)
૧૦૮.
108.
દુબ્બણ્ણરૂપં તુવમરિયવણ્ણી, પુરક્ખત્વા 1 પઞ્જલિકો નમસ્સસિ;
Dubbaṇṇarūpaṃ tuvamariyavaṇṇī, purakkhatvā 2 pañjaliko namassasi;
સેય્યો નુ તે સો ઉદવા 3 સરિક્ખો, નામં પરસ્સત્તનો ચાપિ બ્રૂહિ.
Seyyo nu te so udavā 4 sarikkho, nāmaṃ parassattano cāpi brūhi.
૧૦૯.
109.
ન નામગોત્તં ગણ્હન્તિ રાજ, સમ્મગ્ગતાનુજ્જુગતાન 5 દેવા;
Na nāmagottaṃ gaṇhanti rāja, sammaggatānujjugatāna 6 devā;
અહઞ્ચ તે નામધેય્યં વદામિ, સક્કોહમસ્મી તિદસાનમિન્દો.
Ahañca te nāmadheyyaṃ vadāmi, sakkohamasmī tidasānamindo.
૧૧૦.
110.
યો દિસ્વા ભિક્ખું ચરણૂપપન્નં, પુરક્ખત્વા પઞ્જલિકો નમસ્સતિ;
Yo disvā bhikkhuṃ caraṇūpapannaṃ, purakkhatvā pañjaliko namassati;
પુચ્છામિ તં દેવરાજેતમત્થં, ઇતો ચુતો કિં લભતે સુખં સો.
Pucchāmi taṃ devarājetamatthaṃ, ito cuto kiṃ labhate sukhaṃ so.
૧૧૧.
111.
યો દિસ્વા ભિક્ખું ચરણૂપપન્નં, પુરક્ખત્વા પઞ્જલિકો નમસ્સતિ;
Yo disvā bhikkhuṃ caraṇūpapannaṃ, purakkhatvā pañjaliko namassati;
દિટ્ઠેવ ધમ્મે લભતે પસંસં, સગ્ગઞ્ચ સો યાતિ સરીરભેદા.
Diṭṭheva dhamme labhate pasaṃsaṃ, saggañca so yāti sarīrabhedā.
૧૧૨.
112.
લક્ખી વત મે ઉદપાદિ અજ્જ, યં વાસવં ભૂતપતિદ્દસામ;
Lakkhī vata me udapādi ajja, yaṃ vāsavaṃ bhūtapatiddasāma;
ભિક્ખુઞ્ચ દિસ્વાન તુવઞ્ચ સક્ક, કાહામિ પુઞ્ઞાનિ અનપ્પકાનિ.
Bhikkhuñca disvāna tuvañca sakka, kāhāmi puññāni anappakāni.
૧૧૩.
113.
અદ્ધા હવે સેવિતબ્બા સપઞ્ઞા, બહુસ્સુતા યે બહુઠાનચિન્તિનો;
Addhā have sevitabbā sapaññā, bahussutā ye bahuṭhānacintino;
ભિક્ખુઞ્ચ દિસ્વાન મમઞ્ચ રાજ, કરોહિ પુઞ્ઞાનિ અનપ્પકાનિ.
Bhikkhuñca disvāna mamañca rāja, karohi puññāni anappakāni.
૧૧૪.
114.
અક્કોધનો નિચ્ચપસન્નચિત્તો, સબ્બાતિથીયાચયોગો ભવિત્વા;
Akkodhano niccapasannacitto, sabbātithīyācayogo bhavitvā;
નિહચ્ચ માનં અભિવાદયિસ્સં, સુત્વાન દેવિન્દ સુભાસિતાનીતિ.
Nihacca mānaṃ abhivādayissaṃ, sutvāna devinda subhāsitānīti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૯૧] ૬. વિજ્જાધરજાતકવણ્ણના • [391] 6. Vijjādharajātakavaṇṇanā
